Helmers reise, 1979

"Yrket som strøarbeidar hadde lært han å trikse. Han likte å prute og ordne seg, og hadde godt høve til det på reisene. Han bytte arbeid mot varer og varer mot arbeid og varer mot varer og arbeid mot arbeid. Det skapte røre og liv, og var som ein leik for han."
 
Helmer er vagabond og strøarbeidar.
Han har eit auge både for kvinner og for kosmos.
 
Ein varm junikveld i 1979 tek han farvel med kjærasten, Judith.
Han tenker å ta seg hyre på eit hippie-inspirert kollektiv, driven av den rike amerikanaren Pete Dickson.
Om natta køyrer han over fjellet, og starten er som ein lys og lovande roadmovie.
 
Men livet skal føre det ned i ein mørk odysse, og det er sjela til Helmer som står på spel.