Septologien

Fosses storverk «Septologien» kom ut i tre bøker i 2019, 2020 og 2021. Bøkene hausta glitrande kritikkar, fekk Bragepris og Kritikarpris og vart to gonger nominerte til den høgthengande Bookerprisen. No er verket samla i éi bok. Det handlar om kunstmålaren Asle som bur åleine på Dylgja nord for Bjørgvin. Han har stort sett berre kontakt med grannen Åsleik, ungkar og fiskarbonde. I Bjørgvin bur ein annan Asle, også han er kunstmålar. Dei to Aslane er vener og på eit vis dobbeltgjengarar, to versjonar av det same livet. «Septologien» er ei suggererande og storslegen forteljing om kva kunst er, om Gud, alkoholisme, venskap og tida som går. Det handlar om døden, men også om kva det vil seia å vera i livet, om varmen frå ein hund, gleda ved bilkøyring i snø og kor godt det kan smaka med egg og flesk. Terningkast 6! «Besettende» Sindre Hovdenakk, VG Terningkast 6! «Makelaust!» Jan Askelund, Stavanger Aftenblad Terningkast 6! «fremragende» Gro Jørstad Nilsen, Bergens Tidende Terningkast 6! «mektig» Marius Wulfsberg, Dagbladet