Verd.

I Verd møter vi Mill som er seksten år og bur på gard saman med foreldra sine og bestefaren. Ho fortel om det som hender ifrå ho kjem heim frå skulen ein fredag, og ei av kvigene i fjøset skal kalve. Med eitt unntak hender det ikkje noko utover det som tilsynelatande kan skje kvar dag, og alt som foregår visest utan symbolsk karakter. Like fullt fortel Verd om både fødsel og død, riter og kunst, aldring, pubertet og graviditet. Dessutan nyttar romanen (og Mill) både skildringa, referatet, den dramatiske dialogen, fantasien og hypotesen i si forteljing, inntil ho munner ut i ein hyllest til blomster.

Haugland er kjend for reinskårne kortromanar. I denne er det først og fremst eit varmt, litterært overskot som treff lesaren.

«Haugland skildrer møter med mennesker på en måte som berører, i et knapt og renskåret språk han behersker til fulle»

«Tormod Haugland er en veldig bevisst stilist, som klarer å skape spenning bare gjennom små endringer og forskyvninger i setningene»